TOP SHARE MOVEMENT : બજાર નબળું છતાં આ શેરમાં જોરદાર ખરીદી, જાણો શું છે કારણ?

TOP SHARE MOVEMENT : 8 સપ્ટેમ્બરે ભારતીય શેરબજારમાં કાચા તેલના ઊંચા ભાવ અને પશ્ચિમ એશિયાના તણાવને કારણે દબાણ જોવા મળ્યું. જોકે આ નબળા બજાર વચ્ચે કેટલાક શેરોમાં કંપનીને લગતા ખાસ સમાચારના કારણે જોરદાર ખરીદી થઈ, જ્યારે તાજેતરમાં ઝડપથી વધેલા કેટલાક શેરોમાં નફાવસૂલી જોવા મળી.

ESDSમાં 16%થી વધુ તેજી કેમ?

ESDS Softwareનો શેર 8 સપ્ટેમ્બરના કારોબારમાં 16.07% એટલે કે ₹175.20 વધીને ₹1,265.25 સુધી પહોંચ્યો. કંપનીના શેરમાં IPO બાદથી જ જોરદાર ખરીદી જોવા મળી રહી છે. ESDSનો શેર ₹429ના IPO ભાવ સામે 4 સપ્ટેમ્બરે ₹757 પર લિસ્ટ થયો હતો અને ત્યારબાદ સતત બે સત્રમાં 20%ની અપર સર્કિટ લાગી હતી. શેરમાં તેજીને Choice Institutional Equitiesના સકારાત્મક મતથી પણ ટેકો મળ્યો છે. બ્રોકરેજે ESDS પર Buy રેટિંગ અને ₹1,550નો ટાર્ગેટ આપ્યો છે. AI ઇન્ફ્રાસ્ટ્રક્ચર અને ક્લાઉડ બિઝનેસમાં વૃદ્ધિની સંભાવનાઓને બ્રોકરેજે મુખ્ય કારણ ગણાવ્યું છે.

HFCLમાં ઓર્ડરબુકનો બૂસ્ટ

HFCLનો શેર 3.89% એટલે કે ₹9.45 વધીને ₹252.46 પર પહોંચ્યો. HFCLના શેરમાં તેજી પાછળ કંપનીની મજબૂત ઓર્ડરબુક મોટો ટ્રિગર છે. FY26માં કંપનીની ઓર્ડરબુક વાર્ષિક ધોરણે 113% વધીને ₹21,206 કરોડ થઈ છે. આ ઉપરાંત કંપનીએ તાજેતરમાં Optical Fiber Cable સપ્લાય માટે આશરે ₹2,329 કરોડનો વિદેશી ઓર્ડર મેળવ્યો છે. આથી આવનારા સમયના બિઝનેસને લઈને રોકાણકારોનો વિશ્વાસ વધ્યો છે.

HALમાં ₹1.10 લાખ કરોડની Defence ખરીદીની અસર

HALનો શેર 3.87% એટલે કે ₹187.80 વધીને ₹5,043 સુધી પહોંચ્યો. શેરમાં તેજીનું મુખ્ય કારણ Defence Acquisition Council દ્વારા આશરે ₹1.10 લાખ કરોડના Defence Procurement Proposalને મંજૂરી આપવાનું છે. તેમાં Advanced Light Helicoptersની ખરીદી પણ સામેલ છે. CLSAના અંદાજ મુજબ HALને 138 Advanced Light Helicopters માટે આશરે ₹32,000 કરોડની તક મળી શકે છે. બ્રોકરેજે HAL પર ઓઉટપરફોર્મ રેટિંગ સાથે ₹5,481નો ટાર્ગેટ જાળવી રાખ્યો છે.

PC Jewellerમાં તેજી બાદ નફાવસૂલી

PC Jewellerનો શેર 3.30% એટલે કે ₹0.46 ઘટીને ₹13.47 પર આવ્યો. કંપનીના શેરમાં અગાઉના ત્રણ સત્રમાં લગભગ 34%ની તેજી જોવા મળી હતી. કંપની દ્વારા બેન્કનું દેવું ઝડપથી ચૂકવવાની જાહેરાત બાદ શેરમાં મોટી ખરીદી થઈ હતી. તેથી 8 સપ્ટેમ્બરે જોવા મળેલો ઘટાડો તાજેતરની મોટી તેજી બાદની નફાવસૂલી સાથે જોડાયેલો હોઈ શકે છે. સવારે પણ શેરમાં લગભગ 3%ની નબળાઈ નોંધાઈ હતી.

આ પણ વાંચો: UPI Payment: આ એક કામ કરી લેજો નહીંતર, 15 સપ્ટેમ્બરથી UPI-QR પેમેન્ટ થઇ જશે બંધ!

IFCIમાં 9% ઘટાડો કેમ?

IFCIનો શેર 9.07% એટલે કે ₹9.30 ઘટીને ₹93.21 સુધી આવ્યો. IFCIમાં છેલ્લા એક મહિનામાં NSEના પ્રસ્તાવિત IPOને લઈને ભારે ખરીદી થઈ હતી અને શેર લગભગ 30% સુધી વધ્યો હતો. પરંતુ 8 સપ્ટેમ્બરે રોકાણકારોએ નફો બુક કરતાં શેરમાં તીવ્ર ઘટાડો જોવા મળ્યો. અહેવાલ મુજબ IFCIમાં આજનો ઘટાડો તાજેતરની NSE IPO આધારિત તેજી બાદની પ્રોફિટ બુકિંગ સાથે જોડાયેલો છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16